Како ќе влијае новата цена на струјата врз Вашата сметка?

Постојната динамика на цените на електричната енергија, наметнува домаќинствата често да се соочуваат со промени кои значително можат да влијаат на нивните месечни сметки. Од 1-ви Јануари 2024, стапија на сила новите тарифи за електрична енергија, кои претставуваат комбинација на зголемувања и намалувања и кои ќе го променат начинот на кој потрошувачите гледаат и управуваат со својата потрошувачка на енергија. Во овој блог, ќе ги објасниме нијансите на овие промени, како тие влијаат на различните групи на потрошувачи и ќе предложиме стратегии кои домаќинствата можат да применат за да се справат со истите и да го минимизираат нивното влијание врз месчнаите сметки за струја.
 

Што се смени?

Најновите прилагодувања на тарифите за електрична енергија донесоа комбинација на зголемувања и намалувања. Додека некои тарифни блокови забележуваат пораст на цената, други остануваат непроменети. Мрежарината забележува значително намалување, што претставува позитивен аспект, но доаѓа со одредена цена - воведување на фиксен надоместок. Тарифниот систем сè уште не е целосно објавен на официјалната веб-страница на дистрибутерот на електрична енергија, така што ви приложуваме преглед на промените што ги пресметавме на основа на официјалните изјави од последните неколку дена:
 

Во прилог на ова, постои фиксен трошок за мрежарина што се додава на вашата сметка, во износ од 200 денари.
 

Како ова ќе се одрази врз Вашата сметка?

Нето резултатот од овие промени е генерално зголемување на сметките за електрична енергија во домаќинствата. Ова може да се припише на повисоките цени во одредени тарифни блокови, со што се неутрализира позитивното влијание од намалената мрежна тарифа. Дополнително, воведувањето на фиксен надомест за мрежарина внесува нов слој на комплексност во пресметките.
 

Колку ќе се зголемат сметките процентуално?

Прегледот на процентуалното покачување ни овозможува да утврдиме како ќе влијаат промените на различните групи на потрошувачи. Изненадувачки, најмалите потрошувачи се најмногу засегнати од оваа промена, претрпувајќи најголемо покачувањена нивните сметки. Ваквата состојба е резултат на фиксниот трошок за мрежарина, чие влијание е пропорционално поголемо врз помалите потрошувачи.

*Сите пресметки се направени врз основа на претпоставката дека 50% од потрошувачката е во ниска тарифа.
 

Колку ќе се зголемат сметките во апсолутен износ?

Ако ги анализираме промените во апсолутен износ, ќе видиме дека, во просек, домаќинствата кои трошат 400-500 KWh, забележуваат зголемување од приближно 122 денари во нивните месечни сметки за електрична енергија. Сепак, овој износ не ја отсликува јасно состојбата за сите групи на потропувачи. Додека домаќинствата со просечна потрошувачка на струја претрпуваат најмало покачување на нивните сметки, кај оние што спаѓаат под или над овој просек, покачувањето е ќе биде поголемо.

Стратегии за домаќинствата

Со оглед на динамичната природа на овие тарифни промени, домаќинствата треба да усвојат стратешки пристап за ефикасно управување со нивната потрошувачка на електрична енергија. Еве неколку стратегии што можат да помогнат:

1. Мерки за енергетска ефикасност

Спроведувањето на енергетски ефикасни практики и инвестирањето во уреди со висок ранг за енергетска ефикасност може да помогне да се неутрализира влијанието на зголемувањето на тарифите.

2. Разбирање на промените во мрежарината

Разбирањето на импликациите од фиксниот тропшок за мрежарина е од клучно значење. Домаќинствата со ниска потрошувачка треба да пронајдат начини за елиминирање на овој трошок, онаму каде што е можно. Можеби, сега е добро време да се префрлите на независен соларен систем, кој ќе Ви овозможи да произведувате сопствена енергија и да бидете независни од електро-дистрибутивната мрежа. Алтернативно, доколку веќе имате инсталирано соларни панели, сега е добро време да почнете да размислувате за инсталирање на батерии.

3. Рационална потрошувачка

Знаењето во кој тарифен блок спаѓа вашата потрошувачка е од суштинско значење. Доколку е возможно, применете мерки за намалување на Вашата потрошпувачка на електрилна енергија и на тој начин избегнете да потпаднете во блок со повисока тарифа. Најдобрата и наједноставна стратегија што може да се примени за да се намалат сметките, е да префрлите што поголем дел од потрошувачката на струја во ниската тарифа. Активностите како што се: користење на машината за перење на алишта или садови, готвење и слично, правете го во времето помеѓу 13-15 часот во текот на денот.

4. Буџетирање и планирање

Пресметајте ги очекуваните промени во вашата сметка за електрична енергија и вметнете ги во Вашиот буџет. Тоа ќе помогне да се избегне финансиско оптоварување.

5. Инвестирање во соларни панели

Инвестирањето во соларни панели Ви овозможува да ја намалите потрошувачката на електрична енергија и со тоа да избегнете потрошувачка во блоковите со повисоки тарифи. Во некои случаи, со користењето на батерии, можете целосно да ја елиминирате потрошувачката на електрична енергија и да станете енергетски независни, што ви овозможува долгорочни заштеди, истовремено елиминирајќи го влијанието на идните зголемувања на цените на електричната енергија
 

Заклучок

Новите промени во тарифите за електрична енергија претставуваат комбиниран пакет за потрошувачите. Додека некои може да се соочат со повисоки сметки, разбирањето на нијансите на овие промени им овозможува на домаќинствата да преземат контрола над својата потрошувачка на енергија. Со примена на стратешки мерки, информирање и прифаќање на енергетски ефикасни практики, потрошувачите можат да ја надминат бурата од тарифни промени, а истовремено да го минимизираат влијанието врз нивните месечни буџети. Инвестирањето во соларни системи е најдоброто решение на долг рок. Доколку вашиот буџет тоа го дозволува, ова е мерка која секако треба да ја земете во предвид.